د امریکا ولسمشر بارک اوباما وايي چې امریکا به د خپلو سفارتخانو په ژغورلو کې جدي وي. ښاغلي اوباما دغه څرګندونې پرون په هغو مراسمو کې وکړې چې د څلورو امریکايانو دپاره جوړ شوي وو. دوي روانه اونۍ په لیبیا کې د مظاهرو پر حال ووژل شول.

د ملگرو ملتونو د اټمي انرژۍ ریئس نن د دوشنبی په ورځ وغوښتل چې ایران دي د ملګرو ملتونو مفتشانو ته بې له ځنډه اجازه ورکړي چې جنجالي پوځي مرکز څخه څارنه وکړي.

د فابریکې په درو څښتنانو باندې د اور د لگېدو په ارتباط چې په پاکستان کې ترټولو بد اورلگیدنه وه، د قتل تور لگیدلی دی . دغه درې واړه په ضمامنت خوشي شویدي.

د امریکا د باندنیو چارو وزیرې هیلري کلینټن وویل چې د حقاني شبکې په هکله یې ګانګرس ته د خپلې پریکړې په هکله اطلاع ورکړې ده چې په دې سره به له دې نه وروسته امریکایان په پاکستان کې میشتې دغې ډلې سره هیڅ ډول کاروبار نه کوي او په امریکا کې به ددغې ډلې ممکنه شتمني ضبط سي .